जनकपुर । हावाहुरीले रूख ढल्दा धनुषामा दुई बालबालिकाको मृत्यु भएको छ ।
शुक्रबार जिल्लाको सबैला नगरपालिका-१२ स्थित फकिरचन्द उच्च मा.वि.को प्राङ्गणमा रहेको मसालाको रूख ढलेर किच्दा दुई बालबालिकाको मृत्यु भएको हो ।
मृत्यु हुनेमा सात वर्षीय बालक अरबिन्द सदा र आठ वर्षीया प्रतिमाकुमारी सदा रहेको धनुषा प्रहरीका प्रवक्ता जितेन्द्र बस्नेतले जानकारी दिएका छन् ।
उनका अनुसार उनीहरू विद्यालयमा खेलिरहँदा एक्कासी रूख ढलेको थियो । ढलेको रूखले टाउकोमा चोट लागेर दुवैको घटनास्थलमै मृत्यु भएको जनाएको छन् ।
